Sidadaun Sira Iha Kuarentena Tasi Tolu Sente Risku, MS Tenki Intervensaun Rapida
Naunil Media (Díli), Timor oan iha Kuarentena Tasi-Tolu, Amaro Junior Soares de Carvalho husu Ministériu Saúde (MS) atu halo intervensaun rapida tanba sidadaun sira mak dadaun ne’e kumpri konfinamentu obrigatóriu sente moris ho risku.
Kestaun ne’e Porta-voz, Amaro Junior Soares de Carvalho, ba jornalista sira liu-husi komunikadu imprensa, Kuarta (23/12), hafoin Ministra Saúde, Odete Maria Freitas Belo, anunsia ofisialmente kazu pozitivu foun nain rua.
“Ami ejije ba Ministériu Saúde atu halo intervensaun rapidamente, tamba ami iha ona risku laran. Husu ba Ministériu Saúde atu halo SWAB TEST”, Amaro informa.
Sidadaun sira mak kumpri konfenamentu obrigatóriu Tasi Tolu hamutuk nain-102, hala’o SWAB TEST iha loron kuarta 16 Dezembru 2020. Resultadu mak iha ema nain rua mak pozitivu COVID-19.
“Informasaun adisionál katak iha mós membru Polísia sientifika Investigasaun Kriminal iha kontaktu fiziku ho passajeiru refere”, informa nia
Porta-voz ne’e konsidera atendemente (teste konfirmasaun) ba sidadaun sira la justu.
“Tamba saida mak membru Polísia Sientifiku Investigasaun Kriminal ne’ebé halo kontaktu fiziku ho nain 2 (rua) refere, ita boot sira foti tindakan lansung, sedangkan ami sira iha ne’e balu toba hamutuk iha kuartu ida kama 2 (rua) no iha kontaktu fiziku ba malu, ita bo’ot (Ministériu Saúde) sira husik de’it nune’e”, kestiona porta-voz ne’e.
Pozitivu COVID-19 sidadaun nain rua ne’e nu’udar passajeiru ho idade 43 (mane) ida seluk ho idade 24 (mane), sira viajen mai husi Indonézia. Vit
