FEATUREDGeralIkus LiuNews

Aldeia Larimi, Suku Caenliu Iha Iliomar Seidauk Asesu Enérjia Eletrisidade

Fahe Tutan

Naunil Media (Díli), Komunidade uma-kain 60 iha Aldeia Larimi, Suku Caenliu, Postu Administrativu Iliomar, Munisípiu Lautém seidauk asesu ba enérjia eletrisidade.

Preokupasaun ne’e informa husi Xefe Suku Caenliu, Julião Soares, ba jornalista Naunil Media hafoin partisipa programa formasaun ida iha Centro de Convenções de Díli, Tersa (22/12).

Líder autoridade suku Caenliu ne’e informa, Caenlio kompostu husi Aldeia lima Aldeia Titiravein, Maluhira, Liufalun, Kaidawalarin no Larimi.  

“Aldeia haat (Titiravein, Maluhira, Liufalun, Kaidawalarin) asesu ona enérjia eletrisidade, maibe aldeia Larimi kuaze uma kain-60 seidauk asesu ba enérjia eletrisidade”,  esplika xefe suku ne’e.

Kona-ba preokupasaun ne’e, Nia hato’o bebeik ona ba Administradór Postu Iliomar maibé seidauk hetan resposta.

“Dadaun ne’e uma kain 60 la asesu ba enérjia eletrisidade. Kuandu tempu kalan, komunidade sira uza tenaga surya (painel solar)”, dehan xefe suku Caenliu, Julião Soares.

“Tempu udan sira la bele uza, sira tenke iha nakukun tanba painel solar labele funsiona”, tenik Julião.  

Suku Caenliu Kompostu husi Aldeia lima, Aldeia Titiravein, Maluhira, Liufalun, Kaidawalarin no Larimi. Totál uma-kain 300 resin ho abitante 2000 resin. Dvo

Leave a Reply

Your email address will not be published. Required fields are marked *