Benefisiáriu Bolsa Da Mãe 3.421 Munisípiu Lautém Simu Subsídiu
Naunil Media (Lautém), Diretór Sentru Solidariedade Sosial Munisípiu Lautém, Paulo Da Silva Pinto, informa Banku Nasional Komersiu Timor-Leste (BNCTL-Sigla Português) hahu halo ona pagamentu benefisiariu sira Bolsa Da Mãe 3.421.
Diretór Paulo Da Silva Pinto, ba jornalista Naunil Media, iha edifísiu Sentru Solidariedade Sosial Munisípiu Lautém, Lospalos, Segunda (21/12).
“Bazeia ba dadus husi postu administrativu lima, hanesan Iliomar, Lospalos, Luru, Lautém no Tutuala, dadaun halo hela pagamentu ne’e la’o di’ak iha sukursal BNCL. Maske iha defikuldade balun, maibe sei rezolve ho di’ak”, informa Diretór ne’e.
Sentru Solidariedade sei esforsu solusiona difikuldade, hanesan benefisiariu sira ne’ebé mak naran la sai iha sistema baze de dadus.
“Benefisiariu ne’ebé mak naran sai, maibe seidauk traférensia osan hamutuk sanolu 10, dadus hirak ne’e sei solusiona ho di’ak, tamba Sentru Sosial Lautém, no servisu hamutuk ho parte relevantes hodi solusiona”. tenik Paul. Latu
