Komunidade Aldeia Narunteinu Tuku Kamií Truka Enérjia Eletrisidade
Naunil Media (Lautém), Komunidade iha Aldeia Narunteinu, suku Mahina Primeiru, Postu Administrativu Lautém, Munisípiu Lautém sei tuku kamií hodi truka enérjia eletrisidade, tanba seidauk asesu ba enérjia eletresidade.
Preokupasaun ne’e informa husi Xefe Juventude Aldeia Narunteinu, Sezaltino Amelio, ba jornalista Naunil Media, iha Lospalos Villa, Kinta (24/12).
“Kona-ba enérjia eletrisidade seidauk iha, komunidade sira sei tuku kamií hodi sunu iha tempu kalan, no ida ne’e mos ba oan sira estuda iha tempu kalan”, Dehan Sezaltino.
Aldeia Narunteinu seidauk sente benfísiu husi ukun-án, tamba komunidade sira seidauk asesu eletrisidade, Saude, Estrada, ho problema sosial sira seluk.
“Tempu udan susar loos, komunidade sira lori produtu ba iha merdaku tamba ponte la iha oinsa mota”, tenik nia.
“Tinan naruk ona komunidade Narunteinu seidauk senti benefísiu husi ukun-án ida ne’e”, Nia subliña.
Ikus liu Nia husu ba ukun nain sira fó atensaun ba komunidade Narunteinu nia halerik durante ne’e. Latu