Xefe Suku Uaitame Agradese ANPM Fahe Informasaun Kona-ba Rikusoin TL
Naunil Media (Vikeke), Xefe Suku Uaitame José do Rosario, hato’o agradese ba Autoridade Nasionál Petrolífero no Minerais (ANPM), tanba fahe ona informasaun kona-ba rikusoin Timor-Leste (TL) ba komunidade sira iha suku Uaitame, postu Adiministrativu Uatolari, Munisípiu Vikeke.
Ekipa ANPM fahe informasaun refere ba komunidade sira durante loron ida, liu husi semináriu ho tema “Hametin Páz no Estabilidade hodi Kontribu ba Prosesu Dezemvolvimentu Nasionál” no Sub-tema “Papel Juventude iha Dezenvolvimentu Ba Setór Petrolífero”. No Semináriu ne’e hala’o iha Sede Suku Uaitame, Tersa (29/12).
“Ha’u agradese ba ekipa ANPM ne’ebé hakat to’o iha suku Uaitame hodi esplika klean kona-ba rikusoin tasi no rai maran ba komunidade sira. Buat ne’ebé ANPM fó ne’e importante tebes ba joven sira”, hateten Xefe Suku Uaitame José do Rosario.
Autoridade Suku ne’e dehan, liuhusi semináriu bele motiva estudante sira ne’ebé sei hala’o estudu iha pre-sekundariu no sekundariu sira.
“Husu ba joven sira tenke esforsu estuda maka’as”, enkoraja Xefe Suku Uaitame ba nia sidadaun jovens.
Tuir Nia, sai matenek la’ós hemu tua, joga no kria problema tanba nu’udar estudante tenke estuda.
Semináriu ne’e hetan prezensa husi Diretór ANPM Fernado da Silva, nu’udar oradór no partisipa husi veteranu, veterana, estudante, Autoridade seguransa no komunidade sira iha suku Uaitame. Vit
