COVID-19 : PNTL Alerta Komunidade Mantein Regra Sira Prevensaun
Naunil Media (Díli), Porta-voz Polísia Nasionál Timor-Leste (PNTL), Superintendente Xefe Arnaldo de Araújo, apela ba komunidade sira tuir regra prevensaun COVID-19, tanba dadaun ne’e surtu mundial refere komesa sa’e maka’as iha Timor-Leste (TL).
“Hato’o ba komunidade sira iha teritoriu Timor laran tomak, tanba dadaun ne’e Timor-Leste extende tan Estadu Emerjensia (EE) ba dala sia. Bazeia ba dekretu Presidenti númeru 73/ 202 nomós dekretu Governu 2021 atu rekomenda ba ita hotu kumpri regra sira mak fó sai ona husi Ministeriu Saúde no Organizasaun Saúde Mundial (WHO-Sigla Inglesh), hanesan uja mascara, mantein distansiamentu sosial no fase liman beibeik ho sabaun”, Porta-voz Polísia Nasionál Timor-Leste (PNTL), Superintendente Xefe Arnaldo de Araújo, ba jornalista sira liu husi konferensia Impensa iha Komandu Jerál PNTL, Kaikoli, Tersa (05/01).
PNTL sei la autoriza aktividade hanesan festa kultura, kazamentu no kualker aktividade mak ho tipu halibur ema barak iha fatin ida.
“Aktividade hotu sei paradu, PNTL sei impede hotu durante estadu emerjénsia ba dala sia”, tenik porta-voz ne’e.
Nia afirma, ba sidadaun sira mak viola regra prevensaun, mak sei kondena ka kriminaliza ho lei.
“Polísia sei foti atuasaun ba ema sira ne’e sei kriminaliza sira ho lei ne’ebe mak vigora iha ita nia rai, liu-liu iha fronteira sira taka total, Ro, aviaun no transporte sira ne’ebé tula sasan husi fronteira mós sei la halo movimentasaun tanba pandemia COVID-19. Se ita kontra ita sei kriminaliza ho kodigu penal liu-liu iha artigu 244 ne’e dezobedensia”. Dehan Arnaldo de Araújo. Flo
