COVID-19 : Lere Preokupa Ho Seguransa Iha Liña Fronteira
Naunil Media (Díli), Xefe Estadu Maior FALINTIL-FDTL, Major Jenerál Lere Anan Timur, hateten nia preokupa ho seguransa iha liña Fronteira marítima no terestre, tanba membru seguransa la sufisiente.
“Prekupa ba fronteira rai maran inklui fronteira tasi nian, iha rai maran rai luan, ita tenke presiza reforsa seguransa iha liña fronteira, tamba moras ne’e mai hosi Indonesia”, hateten Eiz-gerilleiru komandante rejiaun Um Ponta Leste no veteran 24 Anos ne’e ba jornalista sira, hafoin enkotru ho Prezidente da Repúblika (PR), Francisco Guterres ‘Lú Olo’ Iha Palásiu Prezidensiál, Bairu Pité, Kuarta (06/01).
Líder militar ne’e husu Governu atu halo kontrolu ho rigorozu ba ema hirak ne’ebe mak tama sai liña fronteira hodi mai halo negósiu iha Timor-Leste.
“Governu tenke haree buat sira hotu, ita bele identifika se mak tama se mak latama, tamba ne’e mak hau sei koordena ho komandante sira F-FDTL atu reforsa tan postu seguransa iha fronteira, provizorimente Corona Virus ne’e sei iha, atu ita bele preven movimentu ilegais”. Tenik Lere Anan.
Relasiona ho númeru kazu COVID-19 sa’e ba bebeik, mak Prezidente Repúblika uza nia kompentensia hodi dekreta EE Da-IX, iha ne’ebe hahu ona iha 01 Janeiru no sei remata iha 01 Fevreiru 2021. Pau
