COVID-19 : Responsável Saúde Munisípiu Manufahi Apela Komunidade Mantein Regra Sira Prevensaun
Naunil Media (Manufahi), Diretora Saúde Munisípiu Manufahi, Florensia Corte Real Tilman, alerta ona ba Sentru Saúde sira hotu atu fo hatene ba komunidade nafatin matein regra sira prevensaun COVID-19, hanesan uza maskra, distansia sosial no fase liman bebeik ho sabaun.
“Parte saúde fó aviza ona ba iha komunidade sira atu uza luvas, fase liman, no kumpri distansia social”, Diretora Saúde Munisípiu Manufahi, Florensia Corte Real Tilman, ba Jornalista Naunil Media, iha nia kna’ar fatin Nularan Same, Tersa (05/01).
Nia hatutan, ekipamentu ba prevensaun COVID-19 iha Munisípiu Manufahi sufisiente atu asegura komunidade sira.
“Ami mos prepara ona fatin atu halo izolamentu no fatin ne’e iha Luak Same, tanba ne’e funsiornáriu sira ba hotu iha Luak hodi prepara fatin”, tenik Nia
Ikus, Nia dehan, Servisu Saúde Munisípiu Manufahi prepara ekipamentu sira mak hodi asegura hanesan luvas, maskra, klorin, inklui aimoruk sira seluk hanesan parsetamol, vitamina ba asegura komunidade sira. Nfm
