Edukasaun Munisípiu Manufahi Suspende Provizóriu Atividade Aprendijazen
Naunil Media (Manufahi), Diretór Edukasaun Munisípiu Manufahi, Trinitos Sarmento, informa daudan ne’e edukasaun Munisípiu Manufahi suspende provizóriu atividade aprendijazen, tuir despaixu husi Nasionál Ministériu Edukasaun.
“Atividade sira hapara ne’e mak hanesan, aula aprendijazem, lahalo rejistrasaun ba estudante foun tinan letivu 2021. Ida ne’e tuir informasaun ne’ebe Ministériu Edukasaun fo sai hapara hotu”, Diretór Edukasaun Munisípiu Manufahi, ba Jornalista, iha nia kna’ar fatin, Postu Administrativu Same, Tersa (05/01).
Nia haktuir, desizaun hapara atividade eskola iha Munisípiu Manufahi bazeia ba dekretu governu númeru 21/2020, 30 Dezembru kona-ba medida ezekusaun deklarasaun estadu emerjensia, artigu 28 kona-ba funsionamentu estabelesimentu ensinu Ministériu Edukasaun no Desportu.
“Kona-ba informasaun ne’ebé mak asesu seidauk determina data fixu ba reativa fila fali aktividade aprendijazen iha ano lektivo 2021 nian”, dehan Nia.
EE da-sia hahu iha Dia 01 de Janeiru no sei remata iha 01 Fevreiru 2021. Nfm
