Governu Aplika Selu Multa Ba Sidadun Tama Sai Ilegal Iha Fronteira
Naunil Media (Díli), Vise-Ministru İnterior, António Armindo, informa Governu aplika selu multa no sansaun seluk-tan ba sidadaun ne’ebé mak tama sai ilegal iha fronteira.
Membru Governu konstitusionál da-ualu, António Armindo, deklara asuntu ne’e hafoin reuniaun Konsellu Ministrus, iha Palásiu Governu, Kuarta (06/01).
“Ema sira ne’ebé tama sai ilegal fó sasaun kontinua la’o hela, sira tenke selu multa. Ita aplika ida ne’e hahu la’o iha fulan Dezenbru 2020 no Janeiru 2021 ne’e kontinua la’o, hafoin haruka sira ba kuarentena, fó imigrasaun halo investigasaun”, Governante ne’e ba jornalista sira hafoin sorumutuk iha Palásiu Governu, Kuarta (06/01).
Nia dehan, fronteira sei taka nafatin tanba kazu COVID-19 kontinua sae, nune’e Governu sei haree ninia dezenvolvimentu.
“Tama nafatin tanba ita iha limetasaun”, Tenik membru Governu ne’e.
Nia husu ba sidadaun hotu atu iha konsiensia rasik, katak tama sai ilegal ne’e ladi’ak, tanba bele lori fali moras aat mai hada’et iha Timor-Leste.
İkus liu, Nia dehan, orientasaun husi Komandu Jerál la’o hanesan bain-bain, no Polísia nia patroliamentu ba fatin area ne’ebé deskonfia movimentu ilegal. Lop
