Ministru Longinhos : La Suspende Aktividade Aprendijazen Ba Ensinu Superior
Naunil Media (Díli), Ministru Ensinu Superior Siensia no Kultura (MESSK), Longuinhos Dos Santos, informa aktividade aprendijazen ba ensinu superior la’o normal, maibé presiza kumpri regra sira prevensaun COVID-19.
“Kona-bá estadu emejénsia tuir dekreitu governu númeru 21/2020, liu liu kona-bá estabelesimentu ensinu bazeia artigu 28 hatuur iha ne’eba ne’e atividade tinan akademika la suspende”, Membru Governu kkonstitusionál da-ualu ne’e ba jornalista sira hafoin reuniaun Konsellu Ministru iha Palásiu Governu, Kuarta (06/01).
Longuinos akresenta, maske atividade eskola la’o maibe tenki kumpri regra sira ne’ebé rekomenda husi Organizasaun Mundial Saúde (WHO-Sigla Ingleh) no Ministeiru Saúde.
“Daudaun servisu hamutuk ho Ministeiru Saúde, Ministeiru Edukasaun Kultura no Desportu, no Ensinu Superior hodi elabora diploma konjunta ida, hodi haree rekejitu sira hotu, liu liu kona-bá atividade tinan akadémika, ne’ebé mak atu la’o ho mekanismu hotu sei haree hamutuk hodi asina diploma ministerial ne’e”, dehan Ministru ne’e. Lop
