Semana Oin, Governu Fó Pose ba Prezidente Autóridade Munisípiu Lautém, Baucau no Viqueque

Naunil Media (Díli), Governu konstitusionál da-ualu, liu husi Ministru Administrasaun Estatal (MAE), Miguel de Carvalho, informa tuir planu iha semana oin Prezidente Autoridade Munisípiu Lautém, Baucau no Viqueque sei simu pose.

“Toma pose ba Prezidente Autoridade Lautém, sei hala’o iha Segunda Semana oin. Prezidente Autoridade Baucau sei hala’o iha Tersa semana oin no Prezidente Autoridade Viqueque iha Kinta”, Governante ne’e ba jornalista sira hafoin reuniaun Konellu Ministru iha Palásiu Governu, Kuarta (06/01).

Miguel esplika, dadaun ne’e halo hela mak rekrutamentu Prezidente Autoridade ba Munisípiu Bobonaro, Díli, Ermera, Liquiçá no Manatuto.

“Prosesu ne’ebe finaliza ona rektutamentu ba Prezidente Autoridade mak Aileu, Ainaru, Covalima, nune’e hela munisípiu Manufahi maibé seidauk halo prosesu rekrutamentu”. Hakotu nia. Lop