FEATUREDIkus LiuNewsPolitika

PM Taur : Aktividade Eskolar Kontinua La’o Maibe Tenki Kumpri Regra Sira Prevensaun COVID-19

Fahe Tutan

Naunil Media (Díli), Primeru Ministru (PM), Taur Matan Ruak, deklara relasiona ho Estensaun Estadu Emerejénsia ba Da-IX, prosesu aprendijazem escolar kontinua la’o hanesan baibain, maibe tenki kumpri regra sira prevensaun, hanesan distansia social, uza maskra no fase liman bebeik ho sabaun.

“Agora eskola laiha desizaun atu taka, Primeru Ministru husu ba Ministru Edukasaun atu halo serkular ida ba eskola sira bele kontinua, mais sira tenki observa rigorozu ba medida sira hanesan distansia social, fase liman, tanba ne’e mak eskola sira tenke observa buat sira ne’e”, Jeneral Matan Ruak, ba jornalista sira hafoin sorumutuk ho Prezidente da Repúblika (PR), Francisco Guterres ‘Lú Olo’ iha Palásiu Prezidensiál Nicolau Lobato Bairo Pité, Kinta (07/01).

Eis-komandante em xefe FALINTIL, esplika objetivu dekretu Governu nian ba ejekusaun medida hodi impede aktividade relijiozu, desportu, kulturais inklui konsentrasaun ema barak, hanesan parte ida hodi prevene ema hotu hosi COVID-19.

“Husu ba inan-aman sira no ba populasaun sira atu koopera, tanba esforsu mak Governu halo atu evita ema mate”, afirma Primeiru Ministru Taur.

Data ne’ebé anexu Estadu Emerjénsia hahu ona iha 01 Janeiru no sei remata iha 02 Febreiru 2021.

Partisipa iha enkontru ho Prezidente Republika ne’e, Primeru Ministru (PM), Taur Matan Ruak, Vise-Primera Ministra no Ministra Solidaridade sosial no incluzaun, Armanda Berta Dos Santos no Ministru Planu no Ordenamentu José Maria Dos Reis. Pau

Leave a Reply

Your email address will not be published. Required fields are marked *