Vendedór Sira Husu Governu Halo Jestaun Di’ak Ba Merkadu Lospalos
Naunil Media (Lautém), Vendedór sira husu ba Governu liu-liu Ministériu ne’ebe tutela atu fó atensaun no halo jestaun di’ak ba Sentru Merkadu iha Lospalos, Munisípiu Lautém, tanba tempu udan, ambiente merkadu refere nakonu ho tahu no nakonu ho lixu.
Merkadu ne’e lokaliza iha Vila Lospalos nu’udar capital Munisípiu Lautém, iha ne’ebe vendedór sirra mak halo aktividade negosiu iha merkadu refere, mai husi postu administrative lima mak hanesan Iliomar, Postu Administrativu Luro, Postu Administrativu Tutuala, Postu Administrativu Lautém no Postu Administrativu Lospala.
Vendedór, Americo da Costa, informa kuandu tempu udan, ambiente merkadu nakonu ho tahu no lixu, halo vendedór tantu kompradór asesu merkadu ho deskontente, entaun husu Governu, liu-liu Ministériu ne’ebe tutela atu fo atensan no halo jestaun di’ak ba merkadu ne’e.
“Produtu lokal mak fa’an, benefisia ba ami sustenta uma laran. Entaun haree ba kondisaun merkadu refere, kondisaun mak iha tempu udan susar tebes atu asesu, tanba nakonu ho tahu no lixu”, Vendedór, Americo da Costa, ba jornalista Naunil Media iha Lospalos Vila, Tersa (05/01).
Nia preokupa “Merkadu ne’e maka ami nia servisu fatin, maibé oinsa komunidade bele asesu ho seguru ho kondisaun ladi’ak”.
Vendedóra, Joaquina Ximenes, mos preokupa tanba iha Vila Lospalos, liu-liu diresaun ba Merkadu, kondisaun Estrada ladi’ak.
“Estrada husi merkadu oin antes tama mai merkadu laran nakonu tahu no bee, mai fali iha merkadu laran ne’e lixu mak nakonu”, tenik nia.
Kona-ba asuntu ne’e, jornalista Naunil Media tenta atu halo konfirmasaun ho autoridade munisípiu Lautém, maibe okupadu no la fó komentariu. Latu
