Domingos Savio : Konfiansa La’os Oportunidade Maibe Responsabilidade
Nuanil Media (Lautém), Atual Administradór Munisípiu Lautém, Domingos Savio ‘Lorasa’, deklara konfiansas ne’ebe hetan husi Governu no Estadu Timor-Leste ne’e nia konsidera la’os oportunidade, maibe responsabilidade atu serví povu Munisípiu Lautém.
“Bai-bain hau sempre koalia, konfiansas ne’ebe ita hetan la’os oportunidade maibe ne’e responsabilidade. Entaun, Governu no Estadu fó fiar, Hau atu serví povu tomak iha Munisípiu Lautém no la’os oportunidade atu goza patrimóniu Estadu nian”, Atual Administradór Munisípiu Lautém, Domingos Savio ‘Lorasa’, via telefone ba Jornalista Naunil Media, hafoin toma pose iha Vila Lospalos, Segunda (11/01).
Kona-ba preoridade servisu ba dezenvolvimentu, Administradór Savio Lorasa, hateten “Ida ne’e klaru katak sei kontinua servisu sira ne’ebe antes ne’e administradór sesante halo ona, liu-liu problema social sira hanesan saúde, edukasaun, bee moos, eletrisidade no estrada”.
Seremonia pose ba Administradór foun Munisípiu Lautém hala’o iha Salaun Enkontru Admnistarsaun Munisípiu Lautém, no direitamente partisipa husi Ministru Administrasaun Estatal Miguel Pereira de Carvalho ho nia Vise-Ministru Lino de Jesus Torrezão, Xefe Estadu Maior F-FDTL, Major Jeneral Lere Anan Timur, Vise Ministru Justisa, Sekretário Estadu Komunikasaun Sosial Mericío Juvenal Dos Reis ‘Akara’ no seluk tan.
Profile Badak Husi Atual Administradór Domingos Savio ‘Lorasa’
Habilitasaun Literaria : Finaliza eskola Primaria iha Iliomar tinan 1986, kontinua ninia estudu pre-Secundaria iha SMP-4 Dili, halo hotu nia estudu iha 1989, kontinua iha eskola vokasional SMEA Dili no halo hotu iha 1991.
Kontinua iha Universidade iha tinan 1994 la konsege kontinua tamba kondisaun situasaun funu, Domingos la rende ho situasaun ne’e kontinua fali nia estudu iha universidade iha tinan 1997 kontinua infrenta situasaun difisil mak foin finalize nia estudu Universitariu nian iha tinan 2007.
Kontinua nia estudu Mestradu iha Universidade Kristen Satya Wacana Salatiga Semarang Indonesia iha tinan 2008 halo hotu nia Mesteradu iha 2011. Latu
