UNTL Hala’o Judisium Ba Finalista 95
Naunil Media (Díli), Tersa (12/01) ne’e, fakuldade Ciensias Sosiais (FCS), Universidade Nasionál Timor Lorosa’e (UNTL) hala’o judisium ba estudante sira finalista hamutuk nain 95.
Seremonia programa judisium hala’o iha resintu fakuldade tuir kultura akademiku no nu’udar pasu ida molok hakat ba graduasaun.
Dekanu FCS, Camilo Ximenes Almeida, informa husi númeru estudante finalist refere, iha nain 2 ka 3 mak aujensia (la partisipa programa judisium) maibe konsidera la’os problema.
“Judisium ne’e kompetensia fakuldade atu sertifika estudante sira finalista, tanba hanesan prosesu ida antes hakat ba graduasaun”, Dekanu FCS, Camilio, ba jornalista sira, hafoin seremonia judisium.
Hafoin judisium hodi sertifika, nune’e finalista sira bele tuir garadusaun mak tuir planu sei monu 15 fulan Janeiru ne’e.
Kona-ba estudante finalista nain 2 ka 3 aujensia iha judisium ne’e, Nia esplika, la’os kestaun, tanba priense ona rekejitu sira.
FCS iha departamentu sira mak hanesan Komunikasaun Sosial, Administrasaun Públika, Relasaun Internasional, Dezenvolvimentu Komunitária, Polítika Publika no Siensias Governamentais. Ipe
