COVID-19 : Eskola 04 de Setembru UNAMET Díli Lakumpri Regra sira Prevensaun
Naunil Media (Díli), Kuarta (13/01) ne’e,Eskola Sekundária Públiku 4 De Setembru UNAMET Balide, hala’o inskrisaun ba estudante décimo primeiro no décimo Segundo Ano. Prosesu inskrisaun ne’e halibur estudante sira barak (liu ema nain 10) maibe lakumpri regra sira prevensaun COVID-19, hanesan uza maskra, distansiamentu social no fase liman ho sabaun.
Estudante ida husi eskola refere la fó sai identidade, hateten kolega sira barak mak lakumpri regra prevensaun, tanba falta kontrolu no konsiensia nu’udar sidadaun Timor oan.
“Ami iha ne’e atu halo re-inskrisaun, maibe kona-ba regras EE ne’e ema barak liu entaun situasun mak dadaun ita hare’e ho matan”, tenik estudante ne’e.
Estudante ne’e husu ba estrutura eskola nian atu prepara material ba prevesaun, hanesan sabaun no bee hodi fase liman.
Observasaun jornalista Naunil Media iha terenu nota katak, estudante sira la kumpri regra sira prevensaun hanesan la uza maskra, distansiamentu social no fase liman ho sabaun, maske halibur malu liu ema nain 10 ba leten.
Jornalista Naunil Media mos haree, iha membru Polísia Nasionál Timor-Leste-PNTL nain ida mak iha eskola refere.
Relasiona ho prevensaun COVID-19 iha Timor-Leste, Prezidente Repúblika (PR), Francisco Guterres ‘Lú Olo’, dekreta tan ona estadu emerjénsia ba da-IX, iha ne’ebe hahu ona iha 03 Janeiru to’o 01 Fevereiru 2021. Latu
