FALINTIL-FDTL Ho UPF Mantein Vijilánsia Ba Área Sira Fronteira
FALINTIL-FDTL Ho UPF Mantein Vijilánsia Ba Área Sira Fronteira
Naunil Media (Díli), Xefe Estadu Maior FALINTIL-FDTL, Major Jenerál Lere Anan Timur, ámbitu prevensaun ba surtu mundial COVID-19, FALINTIL-FDTL kontinua hamutuk ho Unidade Patrullamentu Fronteira (UPF) halo vijilánsia ba area sira fronteira ho Indonézia.
“F-FDTL ho UPF kontinua halo vijilansia ba iha area fronteira ho Indonézia, atu COVID-19 labele tama mai teritóriu nasionál”, Eis-gerileiru Rejistensia Komandante Rejiaun Um Ponta Leste, Lere Anan Timur, ba jornalista sira hafoin sorumutuk ho Prezidete Repúblika (PR), Francisco Guterres ‘Lú Olo’ hodi informa kona-ba situasaun seguransa no defera iha teritóriu nasional, iha Pálasiu Prezidensial Nicolau Lobato, Bairo Pité, Kuarta (13/01).
Veteranu 24 Anos atual Xefe Estadu Maior FALINTIL-FDTL, Lere Anan Timur, hato’o mos nia preokupasaun kona-ba aviaun ida transporta ofisial Programa Ai-han Mundial (WFP-Sigla Inglés) ho moras COVID-19 tun iha Aeropoortu Internasionál Nicolau Lobato, Comoro foin lalais.
“Hau preokupa no husu halo investigasaun relasiona ho aviaun ida ne’ebé transporta ofisial Programa Ai-han Mundial (WFP-Sigla Inglés) ho moras COVID-19, husi Indonézia ba Australia, ne’ebé hetan autorizasaun husi Ajénsia Nasionál Aviasaun Timor-Leste hodi atera iha Aeroporto Comoro hodi ense mina”, preokupa líder gerileiru rejistensia rejiaun ponta leste ne’e.
Kona-ba seguransa iha rai-laran, Jenerál Lere Anan Timur dehan situasaun seguransa iha rai-laran enjeral la’o di’ak no kalma.
Líder instituisaun FALINTIL-FDTL ne’e mos mós ko’alia kona-ba lei servisu obrigatória militar ne’ebé maka Governu aprova liu husi Konsellu Ministru no hetan ona promulgasaun husi Prezidente Repúblika Francisco Guterres ‘Lú Olo’.
Nia akresenta, lei refere sei la ezekuta kedas maibé sei kria uluk kondisoens tuir desizaun Governu.
Ikus, Nia haktuir, Prezidente Repúblika husu nafatin ba forsa armadas hodi kumpri nia dever no lei, tuir konstituisaun RDTL. Pau
