Lere : Vise-Ministru Interior Laiha Kompetensia Ezonera Faustino
Naunil Media (Díli), Xefe Estadu Maiór Jenerál FALINTIL-FDTL, Majór Jenerál Lere Anan Timur, la konkorda Vise-Ministru Interior atu ezonera Komandante Jerál PNTL, Komisáriu Faustino da Costa.
Eis-gerileiru Rejistensia Komandante Rejiaun Um Ponta Leste, Lere Anan Timur, hateten “ezemplu kompeténsia Ministru Interiór, Ministru Interior ne’e Primeiru Ministru mak akumula pasta Ministériu Interior ninia, vise laiha kompeténsia atu halo ezonerasaun”.
“Ha’u dehan Faustino Joven ida, nia mandatu 2023 mak hotu, ita joven ne’e ezonera atu tau sé, mas se husu hau na’in karik ha’u la aseita, ha’u la aseita atu ezonera nia, bele sala anaunser ke traisaun, falta lealdade ba estadu, ba governu, ne’e traisaun mais imkompeténsia ne’e ha’u bele dehan be sira mos imkompeténsia ne’e, sira foin mai kaer ne’e nusá mak sira-ne’e kompetensia ona”, Veternu 24 anos no atual líder númeru iha instituisaun FALINTIL-FDTL, Lere, ba jornalista sira hafoin sorumutuk regular ho Prezidente Repúblika (PR), Fracisco Guterres ‘Lú Olo’, iha Palásiu Prezidensiál Nicolau Lobato, Bairru-Pité, Kuarta (13/1).
Lere Anan Timur informa, Veteranu sira mos katuas ona, sira hakarak deskansa, fó oportunidade ba joven sira atu komanda.
“Sé ezonera Faustino, ne’e ha’u seidauk rona, ha’u seidauk rona atu ezonera ka la ezonera mas se husu ha’u karik, ha’u la aseita atu ezonera nia, bele sala anaunser ke traisaun”, afirma nia
Tuir Lere, duni sai ema ne’e fásil tanba kestaun lagosta malu.
“Ha’u la gosta hau duni sai, mas transforma ema sai líder didi’ak ne’e defísil, nia timor-oan. Faustino timoroan, líder joven, komandante joven be ó atu duni sai tiha sé mak diak liu nia. Veteranu la ba ida, ita katuas ona, ha’u mak ida-ne’e, Falur mak ida ne’e, Maubuti katuas, Aluc katuas, Mau Nana katuas hotu”, realsa Lere.
Xefe Estadu ne’e akresenta liután katak, Faustino mak komandante ida ne’ebé di’ak, sira servisu hamutuk, ema joven ne’ebé ke hakraik-aan.
“Husik sira mak kaer, sira la di’ak aperta sira, La iha, primeiru esperiénsia, o bele iha S3, S4 mós teória jerál ne’e teória jerál, teória konkreta aplika ba Timor ne’e defísil”, eis-regileiru ne’e haktuir. Pau
