PNTL Munisípiu Díli Fó Toleransia Ba Membru Nain-5 Tanba Moras
Naunil Media (Díli), Segundu Komandante PNTL Munisípiu Díli, Superintendente Euclides Belo, hateten fó toleransia servisu ba membru nain-5 mak dadaun ne’e hala’o hela tratamentu saúde.
“Ami vizita membru sira ne’e lolos iha Natal no Tinan Foun, maibe ami okupadu entaun vizita iha semana kotuk”, Superintendente Euclides Belo, ba jornalista sira iha Salaun enkontru Komandu Munisípiu Díli, Segunda (18/01).
Segundu Komandante PNTL Munisípiu Díli, relata memburu nain 5 husi feto nain-1 no mane-4, kompostu husi Eis Komandante Opersaun Munisípiu Dili, OPS Tasi Tolu, Sarjentu Rui membru Tranjitu, Sarjentu Xefe Linu, no Sarjenta Xefe Maria hela iha Bekora.
Superintendente Euclides Belo, esplika objektivu vizita refere atu motiva memburu sira mantein halo tratamentu tuir orden saúde, no hafoin rekopera mak bele hala’o fali kna’ar.
“Membru sira mak moras hela maibe seiduk hetan vizita, komandu sei buka tempu bele vizita”, tenik Euclides Belo.
“Vijita ne’e, Komando PNTL Munisípiu Díli la’o hamutuk ho Doutor PNTL hodi observa direta ba memburu sira, inklui halo tramentu”, hakotu Superintendente Euclides Belo. Nel
