FEATUREDIkus LiuNewsPolitika

SEFOPE Mantein Komunika Ba Australia Lori Fila Mate Isin Tomas Pereira Mai TL

Fahe Tutan

Naunil Media (Díli), Diretór Jerál Sekretáriu Estadu Formasaun Profesionál no Empregu (SEFOPE), Paulo Alves, informa Governu liu husi SEFOPE mantein kontaktu ba Embaxada Timor-Leste iha Australia atu lori fila mate isin Tomas Pereira mai Timor.

“Kontinua komunika embaixada iha Australia iha semana kotuk, tanba prosesu karta deklasaun husi família haruka tiha ona ba ne’eba. Espera tempu badak prosesu investigasaun finaliza lalais bele lori fila mate isin mai Timo”, Diretór Jerál SEFOPE, Paulo Alves, ba jornalista sira hafoin enkotru ho Embaxadór Uniaun Europeia, iha Salaun SEFOPE, Kaikoli, Segunda (18/01).

“Seidauk determina, bainhira mak lori fila mate isin, tanba sei iha porsesu investigasaun hela, no ida ne’e ami koalia ona ba familia sira mai enkontru”, tenik Diretór Jerál SEFOPE ne’e.

Paulo Alves, informa liu-tan, SEFOPE mos halo ona kontaktu ho jerente Toos Nain iha Tasmania, mate isin agora kapital husi Tasmania hodi kontinua prosesu atu lori fila mai Timor.

“Ita hotu hatene katak COVID-19 agora situasaun defisil, tanba Governu nia esperansa bele trata lais mate isin ne lori fila mai Timor-Leste hodi entrega ba família sira hodi kontinua halo prosesu funebre”, dehan nia.

Matebia Tomas Pereira (25),  nia inan Anita Soares husi Munisípiu Viqueque no aman Vitor Moniz Pereira, husi Munisípiu Bobonaru.

Matebian Thomas hanesan traballadór SWP (Seasonal Worker Program) ne’ebé ba hala’o servisu iha Austrália, iha tinan 2019, iha kompañia Tasmania Berries.

Antes ne’e, Inspetór polisia Tazmánia Rut Orr, relata matebian mate tanba lakon kontrola halo negosiasaun iha dalan sikun los. Karreta baku fila dorus-aan iha bee dalan leten to’o nia monu-sai hosi janela tanba la uza sintu seguransa. Ipe

Leave a Reply

Your email address will not be published. Required fields are marked *