Tinan 2020, PNTL Lautém Kontribui Reseita $5.702 Ba Kofre Estadu
Naunil Media (Lautém), Komandante PNTL Munisípiu Lautém, Superintendente Polísia António Rego Fernandes, informa durante tinan 2020, PNTL liu husi Unidade Polísia Tranzitu, kontribui reseita U$5.702 ba kofre Estadu.
“Tinan 2020, ami rekoila U$5.702 ba kofre Estadu. Ami halo pasa revista morista sira, la kumpri sinais tranzitu, aplika koima ba motorista sira”, Superintendente Polísia António Rego Fernandes, ba jornalista Naunil Media, iha kna’ar fatin, Komandu PNTL Munisípiu Lautém, foin lalais.
Superintendente Polísia António Rego Fernandes, informa liu-tan mairia infrastor (motorista) sira maioria viola no la iha kondusaun no kontra sinais tranzitu.
“Durante 2020, maioria mak la iha karta kondusaun no balu kontra sinais tranzitu”, esplika Komandante PNTL Munisípiu Lautém ne’e.
Ikus, Superintendente Polísia António Rego Fernandes, husu ba komunidade no liu-liu motorista sira atu kondus motor no karreta tenki iha karta kondusaun (SIM) no halai ho velosidade ki’ik. Dvo
