Tinan 2020, PNTL Lautém Rejista Nain-7 Mate Kauza Asidente Trafiku
Naunil Media (Lautém), Komandante PNTL Munisípiu Lautém, Superintendente Polísia António Rego Fernandes, informa durante tinan 2020, PNTL Munisípiu Lautém rezista ema nain-7 mate kauza asidente trafiku.
“Kazu asidente trafiku hamutuk 21, husi númeru ne’e ema nain-7 mak lakon vida”, Superintendente Polísia António Rego Fernandes, ba jornalista Naunil Media, iha kna’ar fatin Komandu PNTL Munisípiu Lautém, Segunda (18/01).
Komandante Munisípiu Lautém ne’e, esplika maioria motor ho motor mak soke malu, husi númeru mensionadu iha leten, nain-13 kanek kaman no nain-7 kanek todan, nain-7 lakon vida (mate).
Superintendente Polísia António Rego Fernandes, husu ba públiku, liu-liu motorist sira atu kondus motor ou karreta tenki halai ho velosidade neneik nune’e prevene asidente trafiku. Dvo
