FEATUREDGeralIkus LiuNews

Uma-Kain 8 Iha Suku Gugleur Liquiçá Selu Funsiunáriu EDTL Dada Enérjia Eletrisidade

Fahe Tutan

Naunil Media (Liquiçá), Reprezentante Juventude aldeia Lissa-lara, Julião Dos Santos Carvalho, informa komunidade Uma-Kain ualu (8) iha Lissa-lara, suku Gugleur, postu administrativu Maubara, Munisípiu Liquiçá, inisiativa rasik dada enérjia eletrisidade.  

“Ami tau hamutuk osan hodi hola material no selu pesoal EDTL, dada eletrisidade bele hetan naroman tempu kalan”, Julião Dos Santos Carvalho, ba jornalista Naunil Media via telefone, Tersa (19/01).

Reprezentante juventude ne’e esplika, antes ne’e komunidade uma-kain ualu uza de’it Panel Solar, maibé tempu udan la funsiona.

“Ami bolu pesaol EDTL no hetan apoiu husi komunidade sira, konsege ahi tama duni. Tempu kalan labarik sira bele estuda”, tenik Julião.

Komunidade uma-kain ualu (8) halibur hamutuk $850.00 hodi sosa material eletrisidade.

Suku Gugleur iha aldeia 11 no total poulasaun 4474, Mane 2234, Feto 2240 ho uma-kain 1111. Lop

Leave a Reply

Your email address will not be published. Required fields are marked *