FEATUREDIkus LiuNewsSeguransa

Ministru Paixão : Asegura Liña Fronteira La’os De’it Servisu F-FDTL ho PNTL

Fahe Tutan

Naunil Media (Díli), Ministru Defeza, Filomeno da Paixão de Jesus, hateten atu asegura liña fronteira la’os de’it servisu Ministériu Defeza no Interior, maibé resnponsabilidade husi Ministeriu lubuk ida.

“Ita labele koalia de’it ba defeza no interior, minístériu hotu-hotu iha ligasaun ba liña fronteira, atu esforsu hanesan, ministériu defeza, interior, saúde, finansas, estatal no ministeriu seluk-tan mak iha interese atu asegura liña fronteira”, Ministru Filomeno da Paixão de Jesus, ba jornalista sira hafoin audensia ho Prezidente Republika, Francisco Guterres ‘Lú Olo’, iha Palásiu Prezidensiál Nicolau Lobato, Bairu Pité, Segunda (25/01).

Membru Governu konstitusionál da-ualu ne’e afirma, atu asegura liña fronteira presiza kontribuisaun no kolaborasaun husi sidadaun hotu iha Timor-Leste.

“Iha konstituisaun hateten kedas, defeza seguransa nasaun no patria nian, la’os de’it responsabilidade F-FDTL no PNTL deit, maibé hotu-hotu tenki iha responbilidade, ‘todos sidadão têm vale responsável ao seguransa’”, akresenta Governante ne’e.

Nia husu ba Minstériu hotu-hotu atu kria ekipa konjunta ida hodi bele hadi’ak servisu iha liña fronteira. Pau

Leave a Reply

Your email address will not be published. Required fields are marked *