Númeru Estudante Barak, FINANTIL Susar Kumpri Regra Prevensaun COVID-19
Naunil Media (Díli), Adjuntu Deretór Eskola Sekundária Jerál FINANTIL FINANTIL, Atanasiu Maria Pinto, hateten númeru estudante barak, susar ba sira (professor/a no estudante) atu kumpri regra sira prevensaun, liu-liu distansiamentu social.
“Prevensaun ba pandemia COVID-19 hanesan uza maskra fase liman bebeik ho sabaun, ami mantein kumpri, maibe distansiamentu social, tanba estundate barak nune’e la kontrola ho máximu”, Adjuntu Deretór Eskola Sekundária Jerál FINANTIL FINANTIL, Atanasiu Maria Pinto, ba jornalista Naunil Media, iha nia kna’ar fatin, Sesta (22/01).
Adjuntu Deretór Eskola ne’e informa liu-tan, tinan letivu 2021 ne’e, FINANTIL simu estudante foun nain 300, no estrutura deside la iha orientasaun hanesan ho tinan hirak ba kotuk, tanba COVID-19.
“Tinan ne’e la halo orientasaun, hodi halo prevensaun ba COVID-19, nune’e halo de’it limpeja jerál iha areadores eskola, molok hala’o aktividade aprendijazen”, esplika professor ne’e.
Ikus, Nia dehan, eskola refere la iha preokupasaun ba meius prevensaun COVID-19, tanba iha ekipamentu sufisiente hanesan bee no sabaun, maskra kada estudante obrigatóriu uza maskra antes tama areadór eskola.
Observasaun Jornalista nota katak, iha eskola refere estudante sira la kumpri distansiamentu social, no iha minoria husi estudante la uza maskra. Latu/Chay
