Akademista UNTL Bernardo : FRETILIN Ejije Vestuáriu Uniforme Ba Membru PN Ne’e La Nesesáriu
Naunil Media (Díli), Akademista UNTL-Universidade Nasionál Timor Lorosa’e atual Vise-dekanu ba asuntu estudantil Fakuldade Siênsias Sosiais, Bernardo Idalina Leto, hateten deputadu/a sira la presiza uza vesturaiu uniforme, maibe di’ak liu mak Estadu Timor tau osan ba kombate COVID-19.
Vise-dekanu ba asuntu estudantil Fakuldade Siênsias Sosiais, Bernardo Idalina Leto, koalia kestaun ne’e hodi hatan preokupasoens bankada parlamentar FRETILIN, Deputadu José Paicheco Soares, kona-ba la iha vestuáriu uniforme ba membru Parlamentu Nasionál (PN) deputadu/a sira uza tempu plenária.
“Ha’u hanoin mak kona-ba vestuáriu ne’e seidauk nesesáriu. Bainhhira membru deputadu mak la uza vestuáriu uniforme, implikasaun ba sira-nia servisu ne’e saida?, la iha !, entaun la nesesáriu. Di’ak liu osan rai atu haree moras mundial mk akontese rai-laran”, Akademista UNTL ne’e, ba jornalista Naunil Media, iha kna’ar fatin resintu Kampus FASPOL, Sesta (22/01 ).
Bernardo Idalina Leto, sujere ba membru parlamentu nasionál atu labele gasta tempu hodi halo statement ba asuntu ne’ebe la iha valor ba povu hodi gasta de’it osan povu.
“Tenke tau osan ba prevene pandemia COVID-19, mak dadaun fó ameasa mai ita nia rai ida ne’e. Rai osan ne’e atu halo prevensaun, la’os hanoin di’ak ba sira nia-àn de’it”, dehan akademista ne’e. Ivo
