COVID-19 : Timor Oan Trata BI no Sertidaun RDTL Iha Lautém La Kumpri Regra Prevensaun
Naunil Media (Lautém), Segunda (25/01) ne’e, Jornalista Naunil Media, Charlly hakat ba servisu Konservatória Rejistu Notariadu Munisípiu Lautém, hodi observa situasaun, liu-liu atu hatene tuir kona-ba papel sidadaun sira nian atu kumpri Estadu Emerjénsia ba da-IX, liga ho regra sira prevensaun COVID-19.
Durante observasaun, nota katak sidadaun Timor oan barak mak ba fatin Konservatória Rejistu Notariadu Munisípiu Lautém hodi trata dokumentu hanesan Sertidaun RDTL no Bilete Identidade (BI), kuaze mairoia la kumpri regra sira prevensaun COVID-19, liu-liu distansiamentu fíziku, em excepto uza maskra no fase liman ho sabaun.
Kona-ba kestaun ne’e, Diretor Konservatória Rejistu Notariadu Munisípiu Lautém, Nixon Dias da Gama Ximenes, hatete antes ne’e apela ona ba aplikante sira (Timor oan) mak bat rata dokumentu sira, maibe susar atu kumpri regra sira prevensaun, liu-liu distansiamentu fíziku, tanba fatin mak klot.
“Ami fo hatene ona ba aplikante sira atu la’o tuir regras prevensaun, maibé tanba aplikante sira barak liu, defisil atu la’o tuir distansiamentu social”, esplika Diretór ne’e iha nia-kna’ar fatin Konservatoria Rejistu Notariadu Munisípiu Lautém.
“Mais que nune’e, Ami nafatin alerta ba komunidade sira, atu mai trata dokumentu tenke kumpri regras prevensaun COVID-19, hanesan uza maskra no distansiamentu fiziku no fase lima ho sabaun”, Dehan director ne’e. Dvo
