Deskonfia Tama Illegal, PNTL Kaptura JA ho Família Nain-10
Naunil Media (Díli), Komandante PNTL Munisípiu Díli, Superitendente Xefe Polísia Henrique da Costa, informa PNTL Munisípiu Díli kaptura ona siadadaun ho inisiál JA hamutuk ho família uma laran nain 10, tanba deskonfia tama mai teritóriu nasionál liu husi dalan illegal.
PNTL kaptura JA ho família nain-10 iha Aldeia Kakeu-Laran, Suku Bekora, Postu Administrativu Kristu Rei.
“Ekipa konjunta kaptura sidadaun inisiál JA ho família uma laran nain-10 fasilita fatin ba sidadaun JA refere, PNTL lori kedas ba kuarentena Tibar”, informa komandante PNTL Munisípiu Díli ne’e, ba jornalista sira, iha kna’ar fatin Kaikoli, Kuarta (27/01).
Superitendente Xefe Polísia Henrique da Costa, esplika hafoin kumri konfenamentu obrigatóriu durante loron 14 mak kontinua submete ba prosesu investigasaun.
“Atu ita bele hatene motivu lolos husi sidadaun JA tama mai Timor-Leste atu halo saida no tama husi ne’ebé”, akresenta Superitendente Xefe Polísia Henrique da Costa.
Nia apela ba Timor oan karik hatene tuir sidadaun tama mai teritóriu nasionál ho dalan illegal, atu pasa informasaun ba ekipta protesaun COVID-19 no ekipa konjunta PNTL hodi kaptura, tanba nasaun viziñu Indonézia dadaun ne’e númeru kazu COVID-19 áas.
JA tama mai Timor-Leste iha loron 14 Janeiru mai hela iha aldeia Kakeu-Laran hela hamutuk ho ema nain-10. Nel
