Lere : Ema Sira Aproveita Xanana Tenki Kuidadu
Naunil Media (Dili), Xefe Estadu Maior Jenerál FALINTIL-FDTL, Major Jenerál Lere Anan Timur, hateten ba membru sira Partidu Konselho Nasional Rekonstrusaun Timorense (CNRT-Sigla Português), aproveita Xanana Gusmão hodi subar àn husi justisa tenki kuidadu didiak.
Lere alerta apelu ne’e relasiona CPN-CNRT, hasai ona desizaun atu dudu Kay Rala Xanana Gusmão mak sai arguidu hodi troka kandidatu ka suspeitu sira tuir notifikasaun husi Ministériu Públiku, tanba keixa husi líder nasionál atual Sekretáriu Jerál FRETILIN, Marí Alkatiri.
“Ema ne’ebe aproveita Kay Rala Xanana Gusmão ne’e kuidadu, bainhira hetan moras ruma no monu ba sala ruma, membru CPN-CNRT ne’ebe haleu ne’e tenki kuidadu didiak”, Eis-gerileiru rejistensia rejiaun um ponta leste, Lere Anan Timur, ba jornalista sira hafoin audensia ho Prezidente Repúblika, Francisco Guterres ‘Lu Olo’, iha Palásiu Prezidensiál Nicolau Lobato,Bairu Pité, Kuarta (27/01).
Lere hateten, “Maun Xanana diak nafatin hanesan ne’e, ami mos kontente no hakmatek, Xanana hetan diak sira basa liman, maibe Xanana mak monu ba sala ruma no hetan moras ruma, sira ne’ebe mak haleu tenki kuidadu halo didiak’.
“Ne’e ami laos F-FDTL maibe ami FALINTIL mak sei husu responsável ba sira ne’ebe besik nia, tanba saida mak ami nia komadante hetan moras no monu ba sala, ami sei husu sira”, dehan líder eis-gerileiru rejistensia ne’e.
Nia esplika, “ohin loron sira CPN-CNRT Xanana mak ba hatan iha tribunal, Marí Alkatiri la keixa Xanana, nusa mak Xanana mak ba hatan”.
“Ne’e polítka sira mak hatene, maibe ami solidáriu nafatin, Xanana ami la soe”, dehan Lere. Latu
