PNTL Díli Prende Motorizada 24 Husi Grupu Naukten
Naunil Media (Díli), Komandante PNTL Munisípiu Díli, Superintendente Xefe Polísia Henrique da Costa, informa PNTL munisípiu Díli prende ona Motorizada hamutuk 24 husi grupu naukten sira.
“Ami-nia opersaun sei kintinua, horseik ita hatun informasaun, prende ona 22, maibé to’o loraik prende tan 2, nune’e hamutuk 24”, Superintendente Xefe Polísia Henrique da Costa, ba jornalista sira, iha kna’ar, Kaikoli, Kuarta (27/01).
Superintendente Xefe Polísia Henrique husu ba komunidade karik hetan ema ruma fa’an motorizada ho preço baratu, dokumentu la iha, halo favor kontaktu kedas ba PNTL hodi bele buka tuir.
“Ami husu ba vítima sira ne’ebé karik motorizada lakon favór ida mai hato’o keixa iha PNTL, para ita bele prosesu hodi haree fali motorizada hirak ne’ebé polísia hetan fila fali ne. Maibé prosesu atu foti fila fali motorizada ne’e Ministériu Publiku (MP) mak iha kopeténsia”, salienta Komandante PNTL Munisípiu Díli ne’e.
Henrique relata motorizada ne’ebé horseik (Kuarta 26/01) prende iha Liquiçá husi grupu NAKROMA, sira (NAKROMA) fa’an sai mos ba munisípiu seluk.
“Ami prende ona evidénsia inklui mós kaptura suspeitu nain lima ne’ebé envolve iha grupu organisadu nauk motorizada, PNTL Munisípiu Díli sei kontinua buka tuir sira seluk”, dehan Nia.
“PNTL sei forma membru sira iha liña kruzamentu hodi haree ba sidadaun sira ne’ebé la uza sapa matrikula, la uza espelu no kapasete PNTL sei prende”. Hakotu komandante ne’e. Nel
