Merício Akara : DNDPML, CEFTEC ho Gabinete SEKOMS Tenki Kordena Servisu Area Komunikasaun
Naunil Media (Liquiçá), Sekretáriu Estadu ba Komunikasaun Sosiál, Merício Juvinal dos Reis ‘AKARA’, hateten hateten Diresaun Nasionál Dezenvolvimentu Promosaun Media Lokál-DNDPML, Diresaun Sentru Informasaun Teknika Komunikasaun (CEFTEC-Sigla-Portugés) no Gabinete SEKOMS tenki iha kolaborasaun no kordenasaun servisu ba area komunikasaun ho di’ak.
Afirmasaun ne’e Sekretáriu Estadu ba Komunikasaun Sosiál, Merício Juvinal dos Reis ‘AKARA’, hato’o durante enkontru ho Diresaun DNDPML, CEFTEC no Gabinete SEKOMS, mak hala’o iha Alma do Mar, Lauhata, Sesta (29/01).
Iha enkontru ne’e Diresaun Nasionál Dezenvolvimentu Promosaun Media Lokál-DNDPML, Diresaun Sentru Informasaun Teknika Komunikasaun (CEFTEC-Sigla-Portugés) no Gabinete SEKOMS, aprezenta Planu Asaun Anuál, koordenasaun servisu iha tinan 2021 nian.
Hatan ba ida ne’e, Sekretáriu Estadu ba Komunikasaun Sosiál, Merício Juvinal dos Reis ‘AKARA’, Orienta no diriji Diretóres iha Diresaun rua ne’e inklui Gabinete SEKOMS, atu iha preparasaun servisu ho di’ak tenke iha kolaborasaun no kordenasaun servisu iha area komunikasaun nian ho di’ak.
Enkontru ne’e, partisipa mós husi Prezidente RTTL.EP, Prezidente Tatoli.IP, Diretór DNDPML, Diretór CEFTEC, Xefe Gabinete SEKOMS, Xefe Redasaun TVE, Tekniku Profisionál Espesializadus no Funsionáriu Sira. */Lop
