PM Taur : Posibilidade Sei Reativa SİJK
Naunil Media (Díli), Primeiru Ministru (PM), Taur Matan Ruak, informa posibilidade sei reativa Sentru Integradu Jestaun Krije (SIJK) atu evita kontájiu COVID-19 iha Timor-Leste.
“Presija reativa fila-fali sala situasaun, atu apoiu máximu ba Ministeiru Saúde, hodi tau matan, liu-liu ba Munisípiu tolu, iha fronteira atu evita kontájiu komunitáriu iha rai laran”, Xefe Governu konstitusionál da-ualu, Taur Matan Ruak, ba jornalista sira iha Palásiu Governu, Segunda (01/02).
Eis-gerileiru rejistensia no eis-prezidente repúblika , Matan Ruak, esplika “Dadaun ne’e Timor-Leste iha risku bo’ot ba kontájiu komunitáriu, tanba iha fatór rua ne’ebé influensia, ida mak COVID-19 iha NTT (Nusa Tengara Timur) ne’ebé tama ona kontájiu komunitária, ida seluk mak kazu pesoal tama sai ilegal iha Timor-Leste”.
Antes ne’e sala situasaun SIJK, realiza iha estadu emerjénsia ba dala-uluk rejistu kazu pozitivu COVID-19 iha Timor-Leste no desmantela tiha husi Primeiru Ministru no entraga ba Ministeiru Saúde. */Lop.