Konstrusaun Portu Tibar Sei Finaliza Iha 2022
Naunil Media (Díli), Prezidente Timor Port, Rafael Ribeiro, informa konstrusaun Portu Tibar sei finsliza iha tinan 2022.
“Targetu fízika maioria bele halo hotu iha fulan Dezembru tinan ida ne’e, inísiu tinan oin ajusta saida mak seidauk kompleta bele halo kompleta, ita espera bele operasaun iha fulan Maiu 2022”, İnforma Prezidente Timor Port Rafael, Ribeiro ba jornalista sira hafoin audensia ho Primeiru Ministru, Taur Matan Ruak iha Palásiu Governu, Tersa (2/02).
Nia akresenta, “lolos COVID-19 laiha karik, bele finaliza konstrusaun portu ne’e iha tinan ida ne’e nia laran, tragetu ne’e iha fulan Agusto tinan ida ne’e remata, maibé tanba COVID-19, ne’e tempu ba Xina sira ba feriadu”.
“Agora sei kontinua, investimentu bo’ot ne’e tenke halo hotu”, tenik Rafael.
İkus liu, Nia dehan dadaun ne’e traballador 1000 (rihun ida) mak servisu iha Portu Tibar, Postu Administrativu Bazartete, Munisípiu Liquiçá. Lop/Emj4
