PN Solidáriu Krize Militar Iha Myanmar
Naunil Media (Díli), Parlamentu Nasionál kinta lejislatura, liu husi Vise-I Prezidente Parlamentu Nasionál (V-I PPN), Deputada Maria Angelina Lopes Sarmento, hateten Parlamentu Nasionál fó solidariedade ba povu iha Burma Myanmar relasiona ho krize military mak akontese iha nasaun refere.
“Ami sai mós membru parlamentu ASEAN-Association of South East Asian Nations kondena maka’as ba situasaun ne’ebé impoin husi militár sira iha Burma” Deputada husi bankada Governu ne’e, ba jornalista sira liu husi konferénsia imprensa, iha uma fukun Parlamentu Nasional, Tersa (02/02).
Deputada Maria Angelina Sarmento Lopes, hatutan maske Timor-Leste seidauk tama ba ASEAN maibé PN fó solidariedade nafatin ba povu Myanmar
“Timor-Leste nu’udar membru estraordinária atu sai membru permanente ba ASEAN hakarak solidariza povu tomak iha Burma”, tenik nia
“Ami Parlamentu Nasionál Timor-Leste sai mós membru parlamentu ASEAN nian kondena maka’as ba situasaun ne’ebé impoin hosi militár sira iha Burma”, salienta nia.
Ikus, Nia haktuir, “Partidu ida ne’ebé hetan back up husi militár rekuza eleisaun ne’ebé manán, konsidera eleisaun ne’e la demokrátiku no nakonu ho fraude, maibé ida ne’e espresaun populár, tanba povu Myanmar lakohi moris ho rejime militár nian”. Emj4
