FEATUREDIkus LiuNewsSaude

COVID-19, Hermegildo : Sidadaun Di’ak Kumpri Regra Sira Prevensaun

Fahe Tutan

Naunil Media (Díli), Abitante Ailoklaran, suku Bairo Pité, postu administrativu Dom Aleixo, Hermegildo Paecheco, hateten  sai sidadaun ne’ebe di’ak tenki kumpri regra sira estadu emerjénsia ba prevensaun COVID-19.    

“Surtu COVID-19, ne’e moras mundial akontese iha rai tomak, la’os afeita deit mai país Timor-Leste. Sidadaun ne’ebé diak tenki kumpri regras organizasaun saude mundial (WHO-Sigla Inglesh) fó sai ona ba mundu tomak”, Hermegildo, ba jornalista Naunil Media, iha Komoro, Sabadu (23/01).

Nia alerta, ba maluk Timor oan nafatin halo prevensaun, fase liman bebeik ho sabaun, taka maskra no distansiamentu social.

“Hanesan nasaun sira seluk kurativu no halo mos asaun preventiva, ita nian rai la’o nafatin asaun preventiva ne’e parte ida di’ak”, akresenta Hermegildo.

Abitante ne’e mos perkupa dadaun surtu mundial COVID-19, hamate ona sidadaun NTT (Nusa Tenggara Timur), besik odamatan fronteira terestre entre NTT Indonézia ho Timor-Leste.

“Estadu bele buka esforsu tomak no servisu ba parte hotu-hotu maibe persija hola medida forte hasoru sira ne’ebé kontra regra Estadu Emerjénsia, liu-liu sidadaun tama-sai illegal”. Afirma nia. kae

Leave a Reply

Your email address will not be published. Required fields are marked *