Dekonfia Na’ok Iha Loja Chinesa, PNTL Kaptura Sidadaun Ho Inisial FF
Naunil Media(Díli), Porta voz Komandu Jerál PNTL, Superintendente Xefe Arnaldo de Araújo, informa PNTL kaptura suspeitu ho inisial FF ho idade 45 tamba deskonfia na’ok sasan iha Xina nia-loja, akontesementu ne’e akontese iha aldeia Umbaria, suku Vemase, Municsipiu Baucau.
“Sasan sira ne’ebé suspeitu na’ok ne’e mak makina bomba bee, makina produs porka, fio las, tali korea, mareta baku fatuk nia no kama toba fatin”, Superintendente Xefe Arnaldo de Araújo, ba jornalista sira liu husi konferensia imprensa iha salaun PNTL Komandu Jerál, Kaikoli, Segunda (08/02).
Porta voz ne’e haktuir sasan sira ne’ebé suspeitu foti ne’e liu tia depois vítima loja nain ba halo keixa kedas iha Polísia hodi kaptura suspeitu.
“Agora suspeito ne’e detein ona iha sela dtensaun Polísia Munisípiu Baucau no oras ne’e dadaun prosesu atendimentu ba ona iha Ministériu públiko”, dehan nia. Emj7
