Laho Estraga Batar Iha Gugleur Maubara, Komunidade Husu MAP Apoiu Urjente

Naunil Media (Liquiçá), Reprezentante Povu Agrikultór Suku Gugleur, Postu Administrativu Maubara, Munisípiu Liquiçá, Hermajildo Serrão, husu ba Governu konstitusionál da-ualu liu husi Ministériu Agrikultura no Peskas (MAP) atu urjentemente apoiu komunidade, tanba Laho estraga total batar iha to’os.

“Batar sira iha toos laran Laho han estraga hotu, batar sira ne’e sei dauk isin di’ak maibé laho han estraga kuaze toos  iha suku ida ne’e nia laran, ami triste”, Hermajildo Serrão, ba jornalista Naunil Media via telephone, Kuarta (3/02).

Toos na’in ne’e hateten, nudar toos na’in la iha kbiit ona hodi bele salva batar husi atake Laho.

“Tinan ida ne’e ami labele hetan rezultadu di’ak hanesan tinan sira liu-ba, tanba Laho”, Tenik Hermajildo.

İkus liu, Nia dehan, komunidade iha suku refere kuaze moris nu’udar to’os na’in, batar ne’ebe kada tinan koileta, aleinde ba ema atu han no fó han mos animal ne’ebe haki’ak hanesan fahi, manu no seluk-tan.

Dadus suku Gugleur,  aldeia 11 no total poulasaun 4474, Mane 2234, Feto 2240 ho uma-kain 1111. Lop