PNTL Manufahi Apela Komunidade Kumpri Regra Sira Prevensaun COVID-19
Naunil Media (Manufahi), Komandante PNTL Munisípiu Manufahi, Superintendente Polísia Joni Viana Das Regras, apela ba komunidade tenke uza maskra hodi prevene surtu mundial COVID-19.
“Komunidade sira tenke uza maskra, kumpri distansia sosial, fase liman ho sabaun atu nune’e bele prevéne aan husi moras COVID-19 mak invade ona mundu tomak no inkliu Timor-Leste”, Komandante PNTL Munisípiu Manufahi, Superintendente Polísia Joni Viana Das Regras, ba jornalista, hafoin distribui ai-han Sesta Bázika iha aldeia Fatuko, suku Holarua, postu Same, Segunda (08/02).
Nia hatutan, komunidade sira ne’ebé mak ohin simu imi nia direitu, hanesan komandante PNTL iha Munisípiu Manufahi husu ba komunidade sira tenke kumpri nafatin estadu emerjénsia ba dala-X ba prevensaun regra sira prevensaun COVID-19.
“Dala barak ita nian inan-aman sira dehan lae ita iha seguransa tolu ne’ebé maka’as foho Matebian, Ramelau, Kablaque, maibé moras ne’e mai laos atu kona ba foho ne’e, maibé moras ne’e mai la haree ba o ki’ik ka bo’ot, riku ka kiak, no metan ka mutin, tanba ne’e husu ba ita boot sira kompri ba”, dehan komandante ne’e. Nfm
