FEATUREDIkus LiuNewsSaude

Sentru Saúde Formosa Infrenta Problema Infraestrutura no Ambulansia

Fahe Tutan

Naunil Media (Díli),  Xefe Sentru Saúde Internamentu Formoza, Jaime Dos Reis Belo, informa dadaun ne’e sentru saúde refere infrenta problema infraestrutura no kondisaun ambulansia, tanba fó impaktu ba servisu atendementu médikamentu loton-loron.

“Kondisaun ambulansia aat, susar hodi trasporta pasiente sira. Infraestutura fiziku, hanesan uma hodi atende imunijasaun labarik grave liu, bainhira tempu udan dokumentu sira bokon hotu, pesosal sira labele halo atendiementu”, Xefe Sentru Saúde Internamentu Formosa, Jaime Dos Reis Belo, ba jornalista Naunil Media iha nia kna’ar fatin, Segunda (08/02).

Xefe Sentru Saude ne’e haktuir ambulansia ne’ebé durante halo movimentu ba programa Siska, Klinika Movel ho saúde na familia mos dadaun ne’e avaria hela no seidauk halo manutensaun.

“Orsamnetu ba tinta fotokopia sei mos sei konfuzaun hela, maske osan ne’e mai maibe dalaruma fulan $100.00 deit la sufisiente, Tamba kada loron sentru saude refere atende ema minimu 150-1000 resin”, informa nia.

Jaime Dos Reis Belo, maske infrenta difikuldade oi-oin maibé la hamate espiritu pesoal saúde sira atu halo kna’ar no atendimentu kontinua la’o normal.

“Preokupasaun hirak ne’e Sentru Saúde Internamentu hato’o ona iha Governu, maibé to’o ohin loron seidauk hetan resposta”, dehan nia. Latu

Leave a Reply

Your email address will not be published. Required fields are marked *