Uncategorized

TL Rejista Tan Kazu Pozitivu COVID-19 Na’in 14

Fahe Tutan

Naunil Media (Díli), Kordenadora Jerál Komisaun COVID-19, Dra Odete da Silva Viegas, informa husi komisaun nasionál rejista tan kazu konfirmadu pozitivu COVID-19 hamutuk na’in 14 kompostu husi feto 8 no mane 6.

Husi na’in 14 ne’e sidadaun estranjeiru na’in 2 no seluk Timor-oan hotu inklui mós estudante na’in 7, Entre sira ne’e ida ne’ebé idade kiik liu mak 20 no idade bo:ot liu mak 54. Sira hotu  asimtomátiku ka laiha sintomas.

“Na’in 12 mai husi Indonézia husi Nasaun ne’ebé lahanesan, iha 20 janeiru 2021, sira tama Timor-Leste liu husi Pontu Entrada Batu-Gade ho pasajeiru hamutuk na’in 118, Na’in 12 halo konfinamentu obrigatóriu iha ótel hirak ne’ebé governu prepara, ekipa vijilánsia halo teste swab dala-tolu ba na’in 12 ne’e (21 janeiru, 1 fevereiru, 9 fevereiru). Rezultadu teste hatudu katak pasajeiru hirak ne’e hetan kazu pozetivu Covid-19”, Kordenador Jeral Komisaun COVID-19 ba Jornalista sira iha Palásio  das Sinzas Kaikoli, Kinta (11/02).

Nia hatutan, entre na’in 14 ne’e iha na’in ida nu’udar médiku ne’ebé durante halo atendimentu iha kuarentena Ótel Time Square, no na’in ida tama mai Timor-Leste iha 23 janeiru 2021, sidadaun sira ne’e mai ho Bus transporte públiku husi Kupang, Indonézia bá Atambua, iha loron  (24 janeiru) nia viájen husi Atambua mai Timo-Leste liu husi Pontu Entrada fronteira Batu-Gade,  ekipa liña frente simu no submete ba konfinamentu iha Batu-Gade, Munisípiu Bobonaro Dehan Kordenadora Jerál Odete da Silva Viegas.

“Iha 24 janeiru serbísu vijilánsia ministériu saúde ba foti amostra swab dahuluk, depois 9 janeiru halo tan teste swab daruak nian no rezultadu pozetivu relata iha 10 fevereiru 202, ekipa ambulânsia evakua ona pasiente ne’e mai Izolamentu Vera Cruz, Dili”,Tenik nia.

Entertantu, Total komunidade ne’ebé hala’o kuarentena iha Batu-Gade hamutuk ema na’in 36 inklui pasiente pozetivu no na’in 35 seluk tama klandestina ka liu husi dalan ilegál, Ohin ministériu saúde mós fó sai tan pasiente rekuperadu Covid-19 na’in 5 husi izolamentu Vera Cruz kompostu husi feto 3 no mane 2, husi na’in 5 rekuperadu ne’e na’in 1 mak estranjeiru, Sira nia teste ikus iha 8 no 10 Fevereiru, husi teste swab rezultadu negativu nune’e ohin sira fila ona ba idak-idak ona ba sira nia família 

Dadus husi loron 11 Fevereiru :

Komulativu Teste ho total hamutuk 19919, Komulativu Negativu ho total hamutuk ema na’in 19717, hein rezultadu ho total hamutuk ema na’in102, komulativu kazu ho total hamutuk 100, kazu foun ema na’in 14, rekuperad ema na’in  5, komulativu rekuperadu ema na’in 66, atuál baixa ema na’in 38, kuarentena iha na’in 279, iha Díli 169, no iha Munusípiu 128, auto-kuarentena 118, Díli 92, Munisípiu 26, Passa ona loron 14 ema na’in 29, iha Vera Cruz nai’n 28,  no iha Rejiaun Administativu Ekonómia Oe-Cusse Ambeno RAEOA na’in 1. Ina

Leave a Reply

Your email address will not be published. Required fields are marked *