COVID-19 SEKOMS Sei Koopera Ho The Asia Foundation Divulga Informasaun Ba Komunidade
‘‘Country Representative The Asia Foundation, hakarak servisu hamutuk ho SEKOMS atu ajuda governu liu husi divulga informasaun ba komunidade sira liuliu liga ba Vasina atu prevene surtu COVID-19.’’ hateten Mericio hafoin sorumutu ho Country Representative The Asia Foundation, Pauline Tweede, iha sala reuniaun SEKOMS, Palasiu Governu, Dili, Kinta (11 /02).
Nia hatutan objetivu prinsipal husi The Asia Foundation atu divulga informasaun, inklui halo peskiza ba komunidade sira relasiona ho vasina ba surtu covid-19 ne’ebé sei realiza iha tempu badak.
Naunil Media (Dili ) Sekretáriu Estadu Komunikasaun Sosiál, (SECOMS Sigla Português ). Merício Juvinal dos Reis “AKARA”, hateten The Asia Foundation sei kopera ho SEKOMS divulga informasaun ba komunidade sira. Relasiona ho vasinasaun kontra COVID-19 iha Timor – Leste.
‘‘Hanesan membru governu nia kna’ar iha área komunikasaun sosiál iha responsabilidade atu divulga informasaun ba komunidade kona-ba lei, dekretu lei no regulamentu sira. Husi Governu, inklui desizaun hotu-hotu ne’ebé maka deside iha Konsellu Ministru,’’ tenik “AKARA”.
Relasiona ho enkontru ne’e SEKOMS konkorda sei servisu hamutuk ho The Asia Foundation, no orienta mós ekipa tekníku SEKOMS koopera nafatin hodi hare’e asuntu tekníku kona-ba kooperasaun refere.
sorumutu ne’e, akompaña husi xefe gabinete interinu no tekníku Profisonál espesializadus SEKOMS no ekipa Tradutora The Asia Fundation. * DMS
