Komisaun D PN Detekta Edifísiu INDIMO Kondisaun Grave
Naunil Media (Díli), Kuarta (11/02) ne’e, Deputadu sira husi komisaun ‘D’ ne’ebe trata asuntu ekonomia no dezenvolvimentu Parlamentu Nasionál (PN) hala’o vizita ba Sekretaria Estadu Formasaun Profisionál no Empregu (SEFOPE) hodi haree besik liu kondisaun edifísiu no servisu SEFOPE.
Durante vizita, komisaun ‘D’ konsege identifika edifísiu Instituto Nasional de Desenvolvimento de Mão de Obra (INDIMO) ne’ebé kondisaun grave no presija fó atensaun.
Prezidente komisaun D Parlamentu Nasionál, Deputadu Antonino Bianco, hateten vizita refere nu’udar planu asaun annual, trimester dahuluk komisaun nian atu hatene besik liu kondisaun edifísiu iha nivel nasionál.
“Realidade mak ita haree ona, edifísiu ne ‘ebe ita hotu haree, cubby house INDIMO aat ona, agora sira ba aluga fali iha fatin seluk iha hudi- laran”, Bankada Governu, Deputadu Antonino Bianco, ba jornalista sira hafoin vizita traballu iha terenu.
Reprezentante povu iha Uma Fukun Parlamentu Nasional, Bianco, hatutan hafoin identifika defikuldade sira sei hatutan ba Governu atu fó atensaun.
“Grave oituan, asuntu ida ne’e bele fo hanoin ba ita nia Guvernu oinsa bele rezolve porlema ne ba oin”, tenik deputadu ne’e.
Observasaun jornalista Naunil Media iha terenu nota katak, kondisaun cubby house la di’ak kuandu udan mai bee nakonu. Emj8
