Saude

Timoroan Ida Tama Ilegal Positivu COVID-19

Fahe Tutan


Naunil Media (Díli), Kordenador Pilar VII COVID-19, Nilton do Carmo da Silva, Spot MBiomed relata Timor Leste (TL),rejista tan kazu positivu foun COVID-19 ema Timoroan ne’ebé tama ilegal liu husi liña fronteira Tunubibi.


“Ohin 14 fevereiru 2021 husi komisaun nasionál rejista tan kazu konfirmadu positivu Covid-19 Timoroan na’in 1. Pasiente ne’e mane ho tinan 20, asimtomátiku”, dehan Nilton do Carmo da Silva, ba jornalista sira iha sala situasaun Palácio das Cinzas, Kaikoli (14/02).
Nia esplika sidadaun Timoroan ne’e Iha 5 fevereiru 2021 nia sai husi Timór ba Atambua Indonézia liuhusi dalan ilegál ho objetivu bá vizita família (Inan-kiik) mate. Nia hela iha ne’ebá durante loron 5. Nune fila husi Atambua mai iha Timor-Leste, iha loron 10 Fevereiru, liu hosi dalan illegal área Tunubibi nian, Munisípiu Bobonaro.
“Sidadadaun ne’e tama husi Tunubibi nia bá Maliana vila ho motór (ojek) maibé nia lakuñese, husi Maliana vila kontinua viájen ba Postu Administrativu Bobonaro ho Angguna (transporte públiku). Iha Angguna laran iha pasajeiru hamutuk ema na’in 11 inklui motorista no ajudante (konjak) to’o iha área Suku Lourba, Bobonaro sidadaun ilegál ne’e inklui pasajeiru na’in 4 tun husi angguna kontinua bá to’o iha postu Bobonaro Vila,” Nia klarifika.
Nia haktuir hafoin sidadaun Timoroan ne’e to iha nia fatin, husi komunidade ne’ebé hela iha fatin refere informa kedas ba parte relevante. Hafoin ne’e iha 11 Fevereiru ekipa vijilánsia Munisípiu nian lori sidadun refere bá iha kuarentena Batu-Gede.
Tuir dadus dadaun ne’e kazu komulativu 102, Kazu positivu foun 1, Atuál Baixa 40. *Ivo

Leave a Reply

Your email address will not be published. Required fields are marked *