CVTL husi Nasíonal Fó Formasaun ba Membru Filial 25 iha Manufahi
Naunil Media (Manufahi) Tersa (02/16), Crus Vermella Timor-Leste (CVTL) husi Nasional Fasilita Formasaun ba membru 25 Husi Cruz Vermella filial Manufahi, Kompostu husi Voluntariu 23 inklui ativu nain rua (2). kona-ba tékniku fo atendimentu ba vitima ne’ebé hetan dezastre.
“Iha formasaun ida ne’e hanorin sira oinsa atu tun ba terenu foti dadus ba vitima sira ne’ebé mak hetan dezastre” hateten xefi departementu ba jestaun risku dezastre husi CVTL Nasional , Emilia Belo, Tersa (02/16) iha salaun CVTL Ailoklaran postu Administrativu Same munisipiu Manufahi.
Tuir nia formasaun ne’e inklui, voluntariu ho Funsiornariu sira ne’ebé mak dadaun ne’e halao hela knaar iha CVTL filial Manufahi.
“Formasaun ne’e atu aprende mós oinsa atu halo liña kordenasaun ho munisipiu no nivel postu ba iha suku to iha aldeia. ida ne’e atu hanorin mós sira atu halo evakuasaun iha Primeiru sikoru ba iha vitima sira ne’ebé mak kanek” nia hatutan.
Nia hateten treinamentu ba Voluntariu sira sei realiza durante loron tolu, hodi bele hasae d sira nia koñesementu Iha prosesu atendimentu no halo relatoriu serbisu.
Total estaf voluntariu iha CVTL 23 inklui permanente rua (2) ne’ebé kompostu husi postu haat (4) hanesan postu Alas, Turiskai, Fatuberliu Inklúi Same villa. NFM
