Sosiedade Sivíl iha TL sei reforsa Governu Konbate Transmisaun COVİD-19
Naunil Media (Díli) Relasiona ho Covid-19 ne’ebe dadaun ne’e númeru aumenta iha Timor-Leste liuliu iha munisipiu Bobonaro no Covalima.Husi parte Sosiedade sivil iha Timor-Leste sei serbisu hamutuk ho Parte relevante hodi bele prevene transmisaun lokal.
“Ekipa Sosiedade sivil iha Timor-Leste alerta apoiu ba esforsu sira hodi evita no kombate pandemia COVİD-19 iha rai laran”,hateten reprejentante Sosiedade Sivil iha TL Daniel Santos Do Carmo ba Jornalista sira iha konferensia imprensa iha salaun FONGTIL Kaikoli, tersa (16/02).
Nia esklarese “Sosiedade sivil mós hola pozisaun ida ne’e tanba kazu ativu COVİD-19 designamente kazu detetadu sira ne’ebé tama ilegal iha fronteira. Nune’e Servisu hamutuk ministeiru saúde, kuida saúde públiku nune’e labele iha transmisaun lokal COVİD-19”,
Bazeia ba pozisaun sosiedade. Sira nian iha Kriteira hitu mak presiza estabelese no tau ba iha pratika hodi minimiza transmisaun covid-19 mak hanesan :
1.Husu ba Governu atu haforsa liña fronteira liu husi mobiliza involvimentou komunidade, autoridade lokal hodi apoiu forsa polisia nasionál Timor -Leste (PNTL) no falentil forsa defeza Timor -Leste F-FDTL hodi kontrola movimentu ilegal.
2.Husu ba Governu atu lock down ba Munisípiu Bobonaro, Covalima no Rejiaun Administrativu Ekonómia Oe-Cusse Ambeno RAEOA.
3.Husu ba Governu atu asegura nafatin disponibilidade aihan no material sanitaria ba komunidade iha Munisípiu Bobonaro, Covalima no RAEOA hodi koresponde nesesidade hodi la prejudika komunidade durante periodu lock down.
4.Husu ba Governu atu aplika Test masal ba popolasaun hotu iha Munisípiu Bobonaro, Covalima no RAEOA.
5.Husu ba Governu, Parlamentu Nasional atu halo dezisaun ho seriedade hodi hola ona vasina nune’e bele halo ona vasina ba sidadaun ho obrigatoriu no fahe informasaun kredivel ba komunidade kona-bá importansia husi vasina.
6.Husu ba lideransa politíkus, instiítuisaun hotu- hotu no autoridade iha Timor-Leste atu hasai deklarasaun ruma ho kuidadu tanba bele fo inflúensia ba komunidade atu la kolabora ho governo liu husi medidas sira ne’ebé governu hasai hodi prevene COVID-19.
7.Husu ba governu liu husi ministeriu interior no ministeriu Defesa atu faselita fasilidade teknólojia hanesan Drone ba PNTL no F-FDTL atu kontrola movimentu ilegal iha fronteira.
Nia deklara Sosiedade sivil ne’ebé hola parte hodi halao serbisu Voluntariu hamutuk ho parte relevante mak hanesan: FONGTIL,TLCE, CGT no RFTL, BESI-TL, La’o Hamutuk, AJAR, MDI, OXFAM, BELUN, Rede HASATIL no ativista Sosiedade Civil iha Timor-Leste. Lps/Ipe
