FEATUREDIkus LiuNewsSaudeSeguransa

Rezolve Movimentu Ilegal, Daniel: Komunidade Tenke Koopera PNTL-F-FDTL

Fahe Tutan

Naunil Media (Díli), Relasiona ho movimentu ilegál Direktór Ezekutivu Forum Ong Timor-Leste (FONGTIL), Daniel Santos do Carmo hateten, atu rezolve movimentu ilegál sira ne’e komunidade sira iha liña Fronteira  tenke koopera hamutuk ho Polísia Nasionál Timor-Leste (PNTL) no Falintil-Forsa Defeza Timor-Leste (F-FDTL).

Direktór Ezekutivu Forum Ong Timor-Leste (FONGTIL), Daniel Santos do Carmo ba jornalista liuhusi komunikadu imprensa, iha edifísiu FONGTIL, Kaikoli, tersa (16/02).

“La iha dalan ida ita foti, atu rezolve ba movimentu ilegál iha frontera ne’e susar, ami fó hanoin ba komunidade sira ne’ebé hela iha liña frontera bele fó informasaun ba ita-nia PNTL no F-FDTL  sira ne’ebé liga ho movimentu ilegal”, Dehan daniel.

Daniel reafirma,“involvimentu ita-nia komunidade sira ne’e la’ós komunidade mak  ba kaer ema, maibé oinsa mak sira hatene pasa informasaun ba autoridade sira kona-ba movimentu ilegál”.

Diretór Ezekutivu FONGTIL ne’e husu, sidadaun ida-idak tenke  iha konsiensia, se ita hadomi   família no  nasaun labele halo movimentu ho dalan ilegál.  nune’e ita bele liuhusi dalan ne’ebé ilegál ka portaun bo’ot, kumpri kuarentena evita hodi labele lori moras Covid-19    mai hada’et  ba ita-nia populasaun sira.

“Hau hanoin ita  iha limitasaun forsa  ne’e, ita hotu-hotu rekoñese katak sira iha limitasaun barak liu-liu fasilidade sira atu   ajuda sira hodi halo kontrola ba movimentu ilegál”. Nia akresenta.

Ikus nia husu, governu tenke rezolve imidiatamente ba movimentu ilegál no presija destaka forsa sira ba iha liña fornteira hodi bele halo kontrola. Ipe/Lps

Leave a Reply

Your email address will not be published. Required fields are marked *