António Verdial : Preokupasaun Estudante TL Iha Israel, Kompetensía Governu
Naunil Media (Díli), Prezidenti komisaun G, ne’ebé trata ba asúntu edukasaun, kúltura no sidadanía, António Verdial de Sousa, deklara kona-ba problema bolseiru Timoroan sira iha Israel, atu deporta mai Timor- Leste (TL) ne’e kompeténsia governu.
“klaru katak komisaun G hatene hela problema ne’e. Komisaun G hakilar bebeik ba governu, atu lori estudante sira ne’e. Maibé ne’e dezisaun hosi governu,” deha prezidenti komisaun G ba Jornalista Naunil Media,kinta (18/02 ).
Reperezentante povu iha uma fukun parlamentu nasionál, hanesan mós deputadu husi Patidu KHUNTO ne’e hateten, beibeik ona sira nia parte ható ba meza PN ,maibé to ohin loron la iha resposta positiva ruma.
“Hanesan deputadu halerik ne’ebé mai husi estudante sira fó hatene bei-beik, maibé insustentabilidade realidade seidauk mai. Ne’e la’os kompeténsia parlamentu nian, parlamentu rona halerik hirak ne’e atu hatutan bá governu. Kestaun atu fila ka la fila governu tenke responde”,tenik deputadu Antonio Verdial.
Tuir dadus bolseiru Timoroan ho total 72 ne’e aranka husi Timor-Leste ba Isarel, iha 13/08/2019, ne’ebé hetan apoiu husi Eskola Arava Internasional center For Agriculture Training (AICAT). Hodi ba aprende agrikultura modernu.
Tama ba tinan 2020 estudante hirak ne’e finaliza ona sira nia estudu, nune’e sira hein atu fila mai Timor Leste. Maibé to agora tinan 2021 seidauk deporta mai Timor Leste, . tanba hein dezisaun hosi governu Timor-Leste. Ivo
