Evita Covid-19, João: Governu Tenke Kontrola Ba Ema Tama Ilegál Iha TL
Naunil Media (Díli), Diretór Ezekutivu Fundasaun Mahein (FM) João Almeida husu, governu tenke kontrola ba ema ne’ebé tama husi dalan ilegál iha liña fronteira nune’e bele evita moras Covid-19 mai Timor-Leste.
Diretór Ezekutivu Fundasaun Mahein (FM) João Almeida ba jornalista sira liuhusi komunikadu imprensa, iha Bidaun Lecidere, kinta (18/02).
“Governu tenke foti medida hodi fó atensaun ba ema sira ne’ebé liuhusi dalan ilegál, liu-liu sira ne’ebé iha Indonézia oinsa sira bele fila ho dalan ne’ebé legál, no sira tenke kumpri protokolu husi organisasaun saúde mundial (OMS) ba medidas prevesaun covid-19 nian. Se la’e sira kontinua tama ilegál mai”, dehan João.
João hatutan, sidadaun sira ne’ebé tama ilegál ne’e barak liu estudante tanba ne’e estadu tenke halo ona medidas protesaun.
“Ezemplu evakuasaun, maibé ita la halo evakuasaun meius ida ne’ebé sira uza mak dalan legal”, Nia informa.
Diretór FM ne’e haktuir, sidadaun balun uza dalan ilegál tanba passaporte mate, balun tanba kitas mate, balun nia dokumentus seluk ne’ebé presija trata iha Timor-Leste no balun sente amiasa duni ba pandemia tanba kazu covid-19 sa’e makas iha Indonézia.
“Tenki kontrola mós atividade sira ne’ebé la’ós urjente liu, ezemplu sai tama fronteria hakat liu fronteria ba hakoi mate ba atividade festa fila mai, ida ne’e tenke evita se la’e bele lori pandemia COVİD -19 mai Timor-Leste”, tenik nia.
Nia dehan, espera governu foti medida no polísia no forsa tenki kumpri misaun hodi kontrola iha liña fronteria hodi evita movimentu ilegál. Nel