Reuniaun KM Desidi Ona Atauro Sai Munisípiu
Naunil Media ( Díli), Dikusaun Konsellu Ministru (KM) aprova ona lei kona-ba Divizaun postu administrativu Atauro ba Munisipiu Atauro
Lei ne’e aprezenta husi Administrasaun Estatal (MAE) Miguel Pereira de Carvalho bazeia ba resolusaun governu, Lei nú.11/2009, loron 7 fulan Outubru.
“Aprova ona projetu Proposta Lei ba alterasaun daruak husi Lei nú.11/2009, loron 7 fulan-outobru, kona-ba Divizaun Administrativu Territóriu nian, ne’ebé propoin husi Ministru Administrasaun Estatál, Miguel Pereira de Carvalho” deklara Fidelis Leite Manglhaes liu husi Komunikadu imprensa ne’ebé fó sai iha loron Sesta (19/02).
Iha deklarsaun husi komunikadu ne’e mos deklara Liuhusi Proposta Lei ida ne’e, sei submete ba Parlamentu Nasionál, ne’ebé ho objetivu atu kria sirkunskrisaun administrativa foun ida eskalaun dahuluk nian, Munisípiu Ataúru Postu Administrativu Ataúru Munisípiu Dili nian, ne’ebé la eziste ona.
“Ho Proposta Lei ne’e mós iha objetivu atu kria Postu Administrativu Hatulia B nian, iha Munisípiu Ermera, liuhusi divizaun sirkunskrisaun administrativa nian korrespondente ba Postu Administrativu Hatulia” mensiona iha komunika Imprensa ne’e.
Nune’e Iha Munisípiu Lautem, ho alterasaun proposta ne’e, sei kria Postu Administrativu Loré nian, liu husi divizaun sirkunskrisaun administrativa korrespondente ba Postu Administrativu Lospalos nian.*/Lop.
